ପାଲି 'ଧର୍ମପଦ'ର ଓଡ଼ିଆ ପଦ୍ୟାନୁବାଦ

ଅନୁବାଦକ - ଶୈଲେନ ରାଉତରାୟ

ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍

ଯମକ ବର୍ଗ

ଓଡ଼ିଆ ପଦ୍ୟାନୁବାଦ

ସମସ୍ତ ଧର୍ମର ମୂଳ ମନ ବୋଲି ଜାଣ ।

ସେହିମାନଙ୍କ ମଧ୍ୟରେ ମନ ହିଁ ପ୍ରଧାନ ।।

ପ୍ରଦୂଷିତ ମନେ ଯାହା କୃତ ଓ କଥିତ । 

ତହିଁରୁ ଦୁଃଖ ହୁଅଇ ନିଶ୍ଚିତ ଯେ ଜାତ ।।

ଶଗଡ଼ଚକ ବଳଦ ପଛେ ଗଲା ପରି

ଆବିଳ ମନକୁ ଦୁଃଖ ଯାଏ ଅନୁସରି ।୧।

 

ସମସ୍ତ ଧର୍ମର ମୂଳ ମନ ବୋଲି ଜାଣ ।

ସେହି ମାନଙ୍କ ମଧ୍ୟରେ ମନ ହିଁ ପ୍ରଧାନ ।। 

ପ୍ରସନ୍ନ ମନରେ ଯାହା କର୍ମ ବା କଥନ ।

କରଇ ଯେବେଣ ଯଦି କେହି ଜଣେ ଜନ ।।

ସୁଖ ପଶ୍ଟାଦଗମନ କରଇ ତାହାରେ । 

ଛାୟା ଯେପରି କାୟାର ପଛେ ଅନୁସରେ ।୨।

ଆକ୍ରୋଶ କରିଲା ମୋତେ ପ୍ରହାର କରିଲା ।

ପରାଜୟ କଲା ମୋର ହରି ସେ ଯେ ନେଲା ।

ଏମନ୍ତ ବିଚାର ଯା'ର ଲାଗି ରହି ଥାଏ ।

ବୈର ଭାବ ତା'ର କେବେ ଶାନ୍ତ ଯେ ନ ହୁଏ ।୩।

ମୂଳ ପାଲି ପଦ

ମନୋପୁଦ୍ଦଙ୍ଗମା ଧମ୍ମା ମନୋସେଟ୍ଠା ମନୋମୟା ।

ମନସା ଚେ ପଦୁଟ୍ଠେନ ଭାସତି ବା କରୋତି ବା ।

ତତୋ'ନଂ ଦୁକ୍ଖମନ୍ୱେତି ଚକ୍କଂ ବ ବହତୋ ପଦଂ ।୧।

ମନୋପୁବ୍ବଙ୍ଗମା ଧମ୍ମା ମନୋସେଟ୍ଠା ମନୋମୟା

ମନସା ଚେ ପସନ୍ନେନ ଭାସତି ବା କରୋତି ବା 

ତତୋ'ନଂ ଏନଂ ସୁଖମନ୍ୱେତି ଛାୟା'ବ ଅନପାୟିନୀ ।୨।

ଅକ୍କୋଛ୍ଛି ମଂ ଅବଧି ମଂ ଅଜିନି ମଂ ଅହାସି ମେ ।

ୟେ ଚ ତଂ ଉପନୟ୍ହନ୍ତି ବେରଂ ତେସଂ ନ ସମ୍ମତି ।୩।

ଅନୁବାଦକୀୟ ଟୀକା: ଏହି ଅଧମ ଅନୁବାଦକକୁ ପାଲି ଜଣା ନାହିଁ । ଏଣୁ ଏହି ପଦ୍ୟାନୁବାଦଟି ପାଇଁ ତାହାର ମୂଳ ସହାୟ ହେଲା  ପ୍ରଫେସର ପ୍ରହ୍ଲାଦ ପ୍ରଧାନଙ୍କ ଦ୍ୱାରା ସମ୍ପାଦିତ 'ପାଲି ଧର୍ମପଦ' ଗ୍ରନ୍ଥଟି, ଯେଉଁଥିରେ ସେ ସଂସ୍କୃତ ରୂପାନ୍ତର ସହ ଓଡ଼ିଆ ଗଦ୍ୟାନୁବାଦ କରିଯାଇଛନ୍ତି । ଗ୍ରନ୍ଥଟିର ପ୍ରଥମ ସଂସ୍କରଣ ୧୯୭୮ ମସିହାରେ ପ୍ରକାଶିତ । କିନ୍ତୁ ଏହି ଅନୁବାଦକ ୧୯୯୪ ମସିହାରେ କଟକସ୍ଥ ପ୍ରକାଶନ ସଂସ୍ଥା ଫ୍ରେଣ୍ଡ୍‌ସ୍‌ ପବ୍ଲିଶର୍ସ ଛାପିଥିବା ଦ୍ୱିତୀୟ ସଂସ୍କରଣଟି ବ୍ୟବହାର କରିଛି । ଏହା ଛଡ଼ା ଏହି ପଦ୍ୟାନୁବାଦ କରିବା ପାଇଁ 'ଦି ସେକ୍ରେଡ଼୍ ବୁକ୍ସ୍ ଅଫ୍ ଦି ଇଷ୍ଟ୍' ସିରିଜ୍‌ରେ ମାକ୍ସ୍ ମ୍ୟୁଲର୍‌ଙ୍କ ଦ୍ୱାରା ସମ୍ପାଦିତ 'ଦି ଧମ୍ମପଦ' ଇଂରାଜି ଗ୍ରନ୍ଥଟିର ୨୦୧୩ ମସିହାରେ ରୁଟ୍‌ଲେଜ୍ ଛାପିଥିବା ସଂସ୍କରଣଟିର ମଧ୍ୟ ବ୍ୟବହାର କରାଯାଇଛି ।