ସୁଜାତା ଭଟ୍ଟଙ୍କର ଦୁଇଟି କବିତା

ଅନୁବାଦକ - ଶୈଲେନ ରାଉତରାୟ

ନେପାଳର ଜନକପୁର ଷ୍ଟେସନରେ ଏକ ପରିତ୍ୟକ୍ତ ରେଳଗାଡ଼ି

ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍ (ବିଜୟ ଚଉାରସିଆ)

କବିତା - ୧ : ପଶ୍ଚାତ୍ ଦୃଷ୍ଟି 

ଏ ମଧ୍ୟରୁ କେଇଟି କବିତାକୁ 

ମୁଁ

ସ୍ନେହ କରେ;

କାରଣ ଏମାନଙ୍କର ଶବ୍ଦର

ସନ୍ଧିରୁ ଭାସିଆସେ,

ତୁମର ତତ୍କାଳୀନ ଉପସ୍ଥିତିର ଗନ୍ଧ ।

କବିତା - ୨ : ହେ!

ଭାରତୀୟ ମନ୍ଦିରଗୁଡ଼ିକର 

ତୁମେ ନେଇଥିବା ଫଟୋମାନ, ଅସମ୍ପୂର୍ଣ୍ଣ ।

ତା'କୁ ଡରୁଥିବା 

ବ୍ରାହ୍ମଣ ପିଲା ପଞ୍ଝାଙ୍କ ଉପରେ 

ହସୁଥିବା ସେ ଲୋକ ପାଇଁ,

ଯାହାକୁ ମୁଁ ଦେଖେ ସବୁଦିନ ?

ସେ ଖମ୍ବ ପାଖେ ବସୁଥିବା 

ଗୋଦରାଟି କାହିଁ,

ଯାହା ପାଖେ ଗଡ଼ୁଥାଆନ୍ତି ଦିଅଁଟିମାନ ।

ଟୀକା: ସୁଜାତା ଭଟ୍ଟ ୧୯୫୬ ମସିହାରେ ଅହମେଦାବାଦରେ ଜନ୍ମିତ ଜଣେ ଇଂରାଜୀ ଭାଷାରେ ଲେଖୁଥିବା କବି । ତାଙ୍କର ପିଲାଦିନ ପୁନେ ସହରରେ ବିତିଥିଲା । ୧୯୬୮ ମସିହାରେ ନିଜ ପରିବାର ସହ ସେ ଯୁକ୍ତରାଜ୍ୟ ଆମେରିକାକୁ ଚାଲିଗଲେ । କମନ୍‌ୱେଲ୍‌ଥ୍ କବିତା ପୁରସ୍କାର ପ୍ରାପ୍ତ ଏହି କବିଙ୍କର 'ବ୍ରୁନିଜେମ୍,' 'ପଏଣ୍ଟ୍ ନୋ ପଏଣ୍ଟ୍,' 'ଏ ଡିଫରେଣ୍ଟ୍ ହିଷ୍ଟ୍ରି' ଆଦି କାବ୍ୟ ଗ୍ରନ୍ଥ ଲୋକାଦୃତ ହୋଇଛି । ଏଠାରେ ଉପସ୍ଥାପିତ ଓଡ଼ିଆ ଅନୁବାଦ ପ୍ରଥମେ ସାହିତ୍ୟ ପତ୍ରିକା 'ଅନ୍ୟା'ର ୨୦୧୪ ମସିହାର ପୂଜା ସଙ୍ଖ୍ୟାରେ ପ୍ରକାଶିତ ହୋଇଥିଲା ।