ଜୟ ଜୟ ଜଗନ୍ନାଥ କରୁଣା ସାଗର

ଭଜନକାର - ଶୈଲେନ ରାଉତରାୟ

ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍

ଜୟ ଜୟ ଜଗନ୍ନାଥ କରୁଣା ସାଗର ।

ଜୟ ନୀଳଗିରିନାଥ କମଳାର ବର । ୦।

ପତିତପାବନ ବାନା ଅଧିକାରୀ ସେହି ।

ଯେହୁ ନେତ ଦରଶନେ ପାପ ଯାଏ ଦହି । ୧।

ଆଦିଗନ୍ତ ଚରାଚର ମାନଚିତ୍ର ଯା'ର ।

ସେହି ପ୍ରଭୁ ପୟରରେ ଅଟେ ମୁଁ କିଙ୍କର । ।୨

ନ ଯିବି ଶିରିଡ଼ି, ନ ଗମିବି ତିରୁପତି ।

ଏକା ଶିରିକ୍ଷେତ୍ର ଅ଼଼ଟେ ଅଗତିର ଗତି । ୩।

ସେହି ଦୁର୍ଗା, ହର, ଗଣପତି, ଦିବାକର ।

ତା'କୁ ଅରପିଲେ ପୂଜା ପା'ନ୍ତି ସର୍ବ ସୁର । ୪।

ମାଗଇ ସିଲୁ ରାଉତ ବେନି କର ଯୋଡ଼ି ।

ନିଖିଳ ବିଶ୍ୱର ସବୁ କ୍ଲେଶ ଯାଉ ଛିଡ଼ି । ୫।