ଭଜନ - 'ରଥ ଯାତରା'

ଭଜନକାର - ଶୈଲେନ ରାଉତରାୟ

ଗୋରଖତ୍ରିର ଯୋଗୀମାନଙ୍କ ପାଖକୁ ବାବରଙ୍କର ୧୫୧୯ ମସିହାରେ ଯାତ୍ରା

ଚିତ୍ରକର - କେସୁ ଖୁର୍ଦ୍ଦ

ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍

ଜଗା ଜଗା ବୋଲି ଯାହାକୁ ଖୋଜୁଚୁ ଦାରୁରେ ମିଳିବେ କାହିଁ ।

ଚେତନ ବସ୍ତୁକୁ ଜଡ଼ରେ ଖୋଜିଲେ ପାଇବୁ କି ମୁଢ଼ ତହିଁ ।୦।

ଦେହ ତୋ'ର ଅଟେ ନନ୍ଦିଘୋଷ ରଥ, ପଞ୍ଚେନ୍ଦ୍ରିୟ ତା'ର ଘୋଡ଼ା ।

ବୁଦ୍ଧି ତୋ' ସାରଥୀ, କଉଶଳ କରି, ମନର ଲଗାମ ଚଢ଼ା ।୧।

ନିଜେ ରଥସ୍ୱାମୀ, ଅସାଧନା ମାର୍ଗ ଅଟଇ ତୋ' ବଡ଼ଦାଣ୍ଡ ।

ନିରତେ ଭଜିଲେ ଦରଶନ ହେବ ପିଣ୍ଡ ଭିତରେ ବ୍ରହ୍ମାଣ୍ଡ ।୨।

ତୁହି ରଥ ତୁହି ପଥ, ତୁହି ନଦୀ ନଉକା ବି ଅଟୁ ତୁହି ।

ଏତିକି ଜାଣିଲେ ସଂସାରୁ ତରିବୁ, ସିଲୁ ରାଉତ ଯେ କହି ।୩।