ଜଗନ୍ନାଥ ନାମ ସୁଖଦାୟୀ
ଶୈଲେନ ରାଉତରାୟ
 |
| ପଶ୍ଚିମ ବଙ୍ଗର କାଲ୍ନା ସ୍ଥିତ ଜଗନ୍ନାଥ ମନ୍ଦିର ଫୋଟ କ୍ରେଡ଼ିଟ୍ - ୱିକିମିଡିଆ କମନ୍ସ୍/ ରଙ୍ଗନ ଦତ୍ତ |
ଭଜରେ ମନ ଜଗନ୍ନାଥ ନାମ ସୁଖଦାୟୀ
ଭଜି ନ ପାରିଲେ ଧନ ତିନି ପୁରେ ଠାବ ତୋ'ର ନାହିଁ ।୦।
ଧନ ଦାରା ସୁତେ ମଜ୍ଜି ବେଳ ଗଲା ସରି ।
ଶମନ ପାଶରୁ ତୁହି ଯିବୁ କି ଉବୁରି ?
ରଖିଲେ ରଖିବେ ରମାସାଇଁ ।୧।
ନୀଳାଚଳେ ଅଛି ସେ କି କହ ବଡ଼ଦାଣ୍ଡେ ?
ଖୋଜିଲେ ପାଇବୁ ତା'କୁ ନିଜର ଏ' ପିଣ୍ଡେ ।
ବିକଳେ ହେଜିଲେ ଯାଇ ପାଇ ।୨।
ଚକା ପାରି ବସ ତୁହି ଦେହ କରି ଥିର ।
କଟିକୁ ସଳଖ କର, ନ ଖୋଲ ତୁ ଗିର ।
ନାସାମୂଳେ ଦେଖ ସେ ଦିଶଇ ।୩।
ମନରେ ରଟିବୁ ସାଙ୍ଗ ନ ଧରିବୁ ମୁଖେ ।
ଦନ୍ତ ଓଷ୍ଠ ନ ହଲାଇ ଜପିବୁ ସଳଖେ ।
ମଉନରେ ସିନା ତା'କୁ ଧ୍ୟାଇ ।୪।
ଭଜି ଭଜି ଯେବେ ବନ୍ଧୁ ମନ ଲୟ ହେବ ।
ସେବେ ଯାଇ ତୋ' କରମ ବିପାକ ସରିବ ।
ଶୁଦ୍ର ସିଲୁ ରାଉତ ଭଣଇ ।୫।
No comments:
Post a Comment